ЗҮГЭЭР Л БИ БОДОХ БОЛЛОО

Нарийнд арай тооцогдохгүй таван саньтын банз, хоёр хөл болгож хийсэн арван тавын булан төмөр, рамыг нь шинэс гэмээр модоор зангидас босгосон хорин саньтын пүрүс, арван таван литр ус элбэгхэн орчмоор ногоон хогийн сав, эвгүйхэн дэвссэн жижиг чулуун зам нэвт гэрэлтэх целлодон гурван хана, учир нь олдохгүй хип хоп хэл бичээстэй, борооны усанд норсон гэмээр харагдахгүй цагийн хуваарь, нэг ч хүн тасдаагүй утасны дугаарууд унжуулсан барилгын засварын реклам, алтыг нь аваад авдар нь гологдсон пивоны гурван шил араваас дээш боловуу гэмээр шар иштэй тамхины иш ажин суух зуур аль хэдийн автобус ирээд зогсожээ.
Хоёр хаалга нь уралдан шахан онгойн,хэдийнээ би автобусанд бараг орсон бөгөөд хаалга онгойлгосон хийн насос аядуухан хийгээ гадагшуулах нь хэдийнээ чихэнд хоногшсон мэт . Байнга хөгжим хангинуулж явдаг миний хувьд жолоочоос дөлж хойхнуур суух. Өглөө эрт тул жирийн үеийнхээс олон хүмүүс байраа эзэлжээ.
Ингэж би дөрвөн ширхэг хорин мянгат нэг ширхэг таван мянгат нэг ширхэг мянгат дөрвөн ширхэг дөрвөн зуутыг үрэхээр нэг мөсөн зориг шулуудаад автобусанд минь энэ. Нийлээд 16400₮ суухаас өмнө мухлагаар дайраад багагүйг үрээд амжсан нэг ширхэг мянгат өгсөн эргээд хэдэн бутархай аравт харьж ирэнлээ базаад хормойлсон орой буцаж харихдаа үрэх санаатай. Өнөөхөн өглөө данснаасаа гаргасан болохоор шинэ ч гэж жигтэйхэн, хуруу исгэх битгий хэл хэтэвч цоолохоор шив шинэхэн дэвсгэртүүд.
Энэ бүгд тэнэг зүйлсийн бодож явах зуур автобус аль хэдийн хэдэн буудал өнгөрсөн бололтой.
Уг нь би гадаадад байдаг ухаантай гэхдээ өглөө бүр Монгол төгрөг хэтэвчилж гараад орой юу ч үгүй үрээд ороод ирдгийг бодоход гадаад дотоод гэлтгүй энэ хэдэн бор төгрөг үйлчлээд байх юмаа.
Заа даа нүдэн баримжаагаар миний гарнаас жар орчим саньтын зайд орших STOP гэсэн товчийг дарчихав "жинннннгг..." хэмээх ганцхан дуунаар дунд хаалганы дээр улаан гэрэл асав төд удалгүй тормоз чахирсаар автобус зогсох нь суудлаасаа өндийн эргэж хөнгөн нүдээр суудлаа шалгах нь ямар нэг юм гээх вий гэсэн миний сэрэмжлэл бас рефлэкс гээч.
Ирэх буудалд дээрээ нэгэнт ирсэн болохоор хоёр гар минь зав байхгүй хормойнуудаа нэгжээстэй
Утас- утас байна
Тамхи- тамхи байна
Асаагуур-асаагуур арын хормойнд
Хэтэвч-нөгөө талын арын хормойнд байна
Автобус карт-нилээн хайсны эцэст хэтэвчний араар нэг хормойнд орсон байж
Цүнх- тийм том юмыг ч мартана гэж байхгүй
Нэг л юм алга байна даа!
Ааа гэрийн түлхүүр, -байнаа
Тэхдээ л өөр юм алга байна. Сууж ирсэн автобусанд нэг л юмаа мартлаа яах аргагүй мартсан яаг юу гэдгээ санахгүй байна.
Зүрхээ!?..-үгүй ээ хоёр жилийн өмнөөс зүрхгүй яваа!, тэр минийхийг би тэрнийхийг авч яваа болохоор эрлэгт хөөгдөөд зугтсан ч гараас мултархааргүй сэтгэлдээ атгасан учраас автобус мэтэд мартана гэдэг санахын гарз.

Юу мартваа, би яаг юуг? та бас энд тэнд юмаа мартдаг уу? заримдаа мартсаныгаа ч мэддэггүй, мэдэх нь бүү хэл мэдрэгддэггүй байсан. Харин би саяханаас жирийн л нэг
"ЦАГ БОЛ АЛТ" гэсэн юм олж гарчигласнаас болж нэг юм мартаад байгаагаа мэдрэх гээд байх шиг болсон.
Тэр бол өглөө бүр бидний хэтэвчинд хуруу исгэмээр шинэхэн дэвсгэрт болох Наян зургаан мянга дөрвөн зуун төгрөгөө хэрхэн царцуулах вэ гэх...
Хэрэв бид үүнийг төлөвлөгөөтэй за болиг үр дүнтэй зарцуулбал За Алт-аа болиг ээ! ядаад чулуу болгоод байвал надад л танд л чамд л хэрэгтэй гэж Зүгээр л би бодох боллоо.